Зиёда!
Ёш булишига карамай ундаги шижоат, санъатдаги мехнати ва айникса овози тан бермасликка илож колдирмайди. Кушикларини тинглаб, клипларини томошо килиб куз унгингизда шух шаддод, тап бермас киз намоён булса ажаб эмас. Менинг фикрим хам шундай булиб, хар галгидек бахсга чогланиб, уткир саволлар нишони остига олиш учун Зиёда билан учрашувга ошикдим.
Тугриси…интервью давомида бир икки бора шубхаландим, бу ростанам Зиёдами?- деб. Каршимда умуман юлдузлик нималигини сезмаган ва билмаган заифгина кизалок хаяжонла жилмайиб, кузларини пирпиратиб, сал каттикрок гапирсангиз йиглаб юборгудек булган кизча утирарди. Хозир эса ёнимда худди мен бир машхур юлдз-у, у эса хаяжонланиб турган мухлисимдек, ёки бир укувчи киз билан сухбатлашётган эдим.
Кобилова Зиёда Уткировна 7-январ 1988 йил Тошкентда тугилган, маълумоти-тугалланмаган олий, Хамза Хакимзода Ниёзий мусика коллежида 3-курс талабаси.
-Оилада 10 киши, 8 фарзанд, 7-киз ва 1 угил.
-«Акфа -медиа»га карашли хонанда. 5 ёшидан кушик айтади; 17-ёшида санъатга кадам куйган.
-M&TVA-2007 йил энг яхши аёл хонандаси унвони сохиби
Сизни лойиха махсулоти деса буладими?
-Каерда? Бу ердами? (жилмайиб) Ижодий йуналишда ижодкор
Демак, Сиз узингизни ижодкор деб хисоблайсиз, такдим килинаётган ижодингизда Сизнинг ижодингиз неччи фоиз?
-Канака?
Дейлик гоя, шеър, мусика ва хоказо, куйлашдан ташкари купрок кайсиларида яна хиссангиз бор? Ижодкорман дедингиз-ку?
-Мусикасини купрок узим басталайман. Купрок фортепианода чаламан. 50 фоиз узимни ижодим ётади хар бир кушикда деса хам булади.
Фортепиано чалишни биламан денг?
-Проффесионал даражадамас-ку, лекин, эшитиш кобилиятимга таяниб узимча чалиб тураман ва шунда янги-янги гоялар келади.
Ижодингизни бошлаганингизда бошка кушикга узбек тилида куйлагансиз, уша «Севмаганман» кушигингизни олсак, кейингиларида хам деярли алохида ижодкорман деган инсонга хос ижодий янгилик булмагандек
-Тугри, бошида хар бир одамда адашиш булади..
Сиз буни адашиш деб биласизми?
-Йук..тугри..(узини йукотиб куйиб) адашиш деб биламан. Озгина адашганман. Тугри, куп тошлар отишди, танкидларга яхши карайман, танкид булмаса одам усмайди, колиб кетади, хадеб мактаверса хам булмайди. Танкид килишганиям яхши булган, мана хозир кушик кучирмайдиган булдим (тавба, соддалик хам булса шунчалар булар.Муаллиф.)янги-янги гоялар килиб узимга….ишкилиб ижод киладиган одам булганман. Катъий карайдиган (кулиб) ижодга.
(Хонанданинг узини йукотиб куйиши ва хаяжонланишидан ажабланиб, бир муддат чалгитишга карор килдим)
-Намунча бушсиз? Бунакада булмайди, Сизни журналистлар бунакада еб куйишади-ку.
-Шунака бушман-да (жилмайиб), мана Сиз хозир евоссиз мани .
-«Ха, хато килганман» деманг, олишинг мен билан. Андаза оламан денг хеч булмаса.
-Тугри лекин, купчилик кушик кучиряптганлар, битта менмас кучиряптганлардан
Барибир узингизни кандайдир йуналишингиз билан узлигингизни намоён кила билдингиз, «Шунчаки шу андаза билан бошлаганим»- демокчисиз, шундайми?
-Ха шу билан бошлаганим, барибир хаммасини тагида мехнат ётибди.
«Визитная карточка»м деб кайси кушигингизни айта оласиз?
-Хм… «Севмаганман»ни (кулиб)
Каерда олинганди шу клип?
-Туркиянинг Анталия шахрида.
Кушик узбек тилида, мусика умуман бошка йуналишда, гоя умуман бошка куринишда ва…Зиёда харбий кийимда.. Сиз кушикни жанговарлигини курсатиб бермокчи булдингизми?
-Хм. Шунака.
Зиёда хаётда асли шундайми деган савол бермокчийдим-ку, лекин хозир Сиз билан сухбатда «Куйинглар менга тегманглар» демокчи булган кизчани куряпман.
-(Кулиб) Гох ундок характерда, гох бундок характерда хам булиб коламан. Кайфиятга караб узгарсам керак.
Хар бир инсон деярли бир тоифага купрок хос булади, шух, инжик, кампгап ва хоказо Сиз кайси тоифага кирасиз?
-Болалигимда жудаям шух булганман, ва…нима десам булади..оилада озгина кийинчиликлар булиб колган, шундан сунг озгина босик булиб колганман. Кейин эса санъатга кириб келгандан сунг, тушуниб етдим ундай бууш булиш керак эмас экан. Сал тиришкок булмасангиз булмас экан. Мана энди-энди уша болалигимдаги холимга кайтяпман.
Нима учун айнан лойиха махсулоти булишдан бошладингиз? Етарли даражада иктидорингиз бор яккахон хонанда булиб мустакил ижодкор булишга. Тушунса булади баъзи санъатдан йирок инсонлар эрталаб ойнада уз аксида баъзи чиройликрок жихатларини куриб колиб «Булди, мен гузалман, мен сахна учун, санъаткор булишим керак» деб харакат килмокчи булса, уларга кандайдир ёрдамчи ва лойихалар керак булса.
-Болалигимдан орзуим эди, 5 ёшимдан кушик айтганман. Энди нима деса булади…Билмасам..шунака булиб колган. Сизни саволларингиз бошкача экан.
Санъатга кадам куйган инсон хамманинг назарида булганидан кейин хар кандай рост-ёлгон сузларни таркалиши ва шунингдек, миш-мишларга хам тайёр булиши керак. Сиз билан боглик булган миш-мишлар хакида.
-Деярли миш-мишлар булмаган, узимга олмайман хам.
Икки Сиз билан боглик миш-миш, биринчиси Чор-су бозоридаги Сизнинг гуёки ким биландир жанжалингиз ва айтишлари буйича «шаллакалигингиз».
-Йуге бунака вокеа хеч качон булмаган, хеч качон унака талашиб кетмайман, айникса бозорда.
Бозорга тушиб турасизми узи?
-Уйга харажат килиб тураман.
Оилада неччи фарзандсиз?
-Оилада 8 фарзандмиз, 7 киз ва 8чиси угил. Ота-онам билан 10 кишимиз. Мен 5чисиман. Мендан аввалги опаларим турмушга чикиб кетишган.
Навбат Сизда?
-Навбат менда. (кулиб)
Хуш, качон энди?
-Булиб колар, хали вакт бор деб уйлайман, хали куп ижод килишим керак, унга хам вакт келар.
Хеч уйлаб курганмисиз, вакти келиб тарозининг бир палласига санъат ва бирига оилани куйиш пайти келиши мумкинлиги хакида?
-Кийин шу саволга жавоб бериш. Санъатниям ташлагим келмайди лекин. Кушик хар доим айтгим келади.
Сунгги пайт санъаткор, санъат сохасидан булган инсон билан турмуш куриш модага айланди. Сиз аввалдан узингизни хохишларингизни режалаштириб куядиган стратегик инсонмисиз ёки таваккалчи? Уша орзуни хам олдиндан мослаштириб режа асосида амалга оширса булади.
-Орзу билан булса, оилани танлардим. Агар санъатни тушунадиган, санъатга рухсат берадиган булса ундан хам яхши буларди.
Узи хам санъаткор булса-чи?
-Узи хам санъаткор булса…бу кийинрок (кулади)
Агар санъаткор аёлга турмуш уртоги санъатга рухсат бермаса дарров «Нима санъаткор аёл бузук буладими?» деб хафа булишади-ю, лекин узларини турмуш уртоклари хам санъаткор булса адолатдан эмасми?
-Тугри. Мен хам хохламасдим эрим санъаткор булишини. Узим билан бирга юрса (кулади) булади. Продюссерим булиб колса-ми (кулади)
Кейингиси, Ипподром бозорида санъатга кадам куйишингиздан аввал кофе билан савдо килганингиз. Менинг фикрим оддий, инсон хонанда булиб булиб тугилавермайди ва тирикчиликнинг айби йук. Шундай булса-да рост ёки ёлгонлиги купчиликка кизик булса керак.
-Тугри. Лекин, Ипподром эмас, Урикзор бозорида онамнинг буфетлари бор, кичиккина ошхонача, тамаддихона. Гох-гохида уларга карашгани бориб турардим. Лекин, менга отам хеч качон савдо-сотик билан шугулланишга рухсат бермайдилар. Шунчаки онамга ёрдамлашганим учун шундай гап чикиб кетган, кофе сотган, хот-дог сотган деб.
«Акфа-медиа» лойихасида булгандан кейин нима учун тулаконли алохида хонанда булиш иложи йук? Албатта Ойбек Нигора ёки Божалар кайси клип ёки кино булса уша ерда Зиёда булиши керак, ёки бирга дуэт айтиб туриши керак?
-Йук, мен алохида ижод киляпман-ку барибир. Лекин, тугри мана шу охирги кунлар сал куп булиб колди биргаликдаги ижод.
Зиёда нималардан илхомланади?
-Масалан, кучада у-бу одамни куриб колсам, ёки у-бу кампирни куриб колсам..
Кампирларни куриб «Сайдинг куябер Сайёд» кушиги куйлаш фикри келдимикан дейман?
-Йу, йук унакамас (кулади). Бу кушик олдиндан бор-ку, шунчаки, кучада у-бу кимни бирон нарса кутариб кетаётганини курсам, кампирларни хам куриб колсам, шунаканги мусика келади узимга.
(Кизик, бир тасаввур килинг, агар кучада бирон нарса кутариб кетаётганлар ёки кампирлар билан илхомланиш махсулоти «Севмаганман», «Парвона», «Хай лайли» булса…Билмадим улар билан бу кушикларни умуман солиштириб булмаса керак. Агар шу кушиклар клипига хакикатдан хам илхомланилган нарсалар куйилса ажабтовур клип булса керак…(Муаллиф))
Яхши илхомланаркансиз. Кимлардир табиатдан кимлардир нарса кутариб кетаётганлар ва кампирлардан..
-Тогларга чикганда, табиат куйинда хам илхомланиб телефонимга гояларимни куйлаб ёзиб кетавераман.
Бир газетада «Сайдинг куябер Сайёд» кушиги учун мошина тухфа килишганлиги хакидаги миш-мишни эътироф килишганди, мошинангиз узи борми?
-Йук, мошинам йук. Гохида дадамнинг Нексия русумли мошиналарини хайдаб тураман.
«Сайдинг куябер Сайёд» кушигини узгартириб куйладингиз.
-Ха, мен сал бошкачарок килиб куйладим. Узимни йуналишимга мослаб куйладим. Азалдан шу кушикни куйлаш ниятим бор эди, кейин «Акфа-медиа» бошлиги Жахонгир ока таклиф киритдилар шу кушикни куйлаб кур-деб. Шунда илхом келиб кетди. Кани, килиб курай-чи деб куйладим. Фотима ва Зухра Зиёмухамедовалар менинг устозларим, улар ёрдамида, бирга ишлаб, шу кушикни яратдик.
Нима учун бирдан миллийлик? Туйларга мослашиш?
-Барибиргаям айтиб туриш керак-да миллий кушикларимизни хам. Факат..нима десам булади..эстрада кушикларини айтавермайман-ку хадеб хам. Барибир хам катталарни хам кунглини ола билиш керак-ку
Олдин машхур буламан, кейин эса туйлардан пул йигавераман?
-Йук.. Тугри, лекин туй хам керак, барибир бизанинг нонимиз туй. Лекин, катталарнинг хам кунглидан жой олиш керак-да. Миллий айтганим билан бундан кейин факат миллий айтаман дегани эмас-ку.
Шу кушигингиз икки куринишда такдим килинди, бири эфирда куйиш учун ва бири оригинал. Негадур эфирга такдим килинганида эстрада куринишига урма асбоби кушик рухиятига сал мос тушмагандек.
-Узи оддий куринишда эди, лекин, одамлар узлиги хохлашиб микс килишди кейин. Мухлислар деса хам булади.
Кизик, агар мухлислар четдан келиб кушигингизни узгартириб берса уни клипга куйиб эфирга бераверасизми?
-Йук, эфирда у куринишда эмас-ку. Узи бир куринишда, уша эфирда, микс варианти клипга куйилмаган. Мен факат узимизнинг бир куринишдагисидан хабарим бор.
Зур ижод килар экансиз агар узингизни ижодингиздан бехабар булсангиз. Мухлисиларингиз узгартирганидан ташкари асли икки хилда такдим килинган, бири эфирдаги клип учун, иккинчиси секин.
-Йук кандай килиб икки хил?
Орага «Акфа-медиа» ишчиларидан бир йигит Зиёдага юзланди:
- Икки хил ёзилган.
Зиёда: -Йук, икки хил эмас.
-Икки хил. Бошка куринишдагисини учириб ташлагандим
Зиёда:-Мен эшитмаган эдим у куринишдагисини…Ана, курдингизми учириб ташлаган-да.
Мансаб, пул-бойлик ва самара, шуларни асосийлиги куринишда куйиб чикинг, иложи булса биттасини колдиринг, ва нима учунлиги хакида тушунтиринг.
-Вой, лекин жуда кийин экан Сизнинг саволларингиз, мен…(кулади). Бир хилга ухшайди.(уйланиб). Биринчига мансаб булса керак. Кейин бойлик ва самара булса керак. Ёки самарасини куриб бойлик (кулади) Хм…(уйланиб)
Самара булмаса на мансаб ва на бойлик тугрими?
-А, унда биринчига бойликни куйиш керак, шундайми?
Бойлик булиб, мансаб хам булиб самара булмаса иккиси хам бир пул-ку. Лекин самара булса иккиси хам узи келаверади . Ижодкор нимага ахамият бериши керак экан?
-Мендан имтихон оляпсиз (кулади) . Албатта самарага.
Хозирда лойихага карашли булганингиз туфайли устозингиз булмаса керак. Кимларни хавас килиб, устоз деб биласиз?
-Болалигимдан Юлдуз Усмонова ва Умида Мирхамидованинг санъатларига жудаям кизикканман. Канакадур барибиргаям устоз деб биламан.
Андаза кимлардан оласиз?
-Канака андаза?
Таклид эмаску лекин хавас килиб андаза олиш.
-Таклид килмайман-ку, лекин хавас билан Юлдуз Усмоновага ухшаб концертларида жонли равишда куйлаб хам уйнаб кушик айтгим келади.
Нима Сизга халал беради хозир концертларда жонли равишда куйлашга?
-Хеч нима, лекин, орзуим бор, юрагимга тугиб куйганман, узимни концертимда шунака узимни эркин тутиб, уйнаб жонли куйлашни.
Шундай уйнай оламан дея оласизми? Хозирча Сизнинг раксларингизда факат европалашган куринишдаги харакатлар куринмокда.
-Уйнайман. (катъий) Уйнай оламан деб уйнайман Худо хохласа.
Концерт дастурингиз хакида, буладиган булса хам албатта яна Ойбек Нигора ёки Божалар билан бирга булса керак?
-Шу бир гурухда концерт берганимиз яхши деб уйлайман.
Интилмайсизми узингиз танхо Зиёда булишга?
-Тугри бунга интиламан, бу хам орзуим узимнинг яккахон дастуримни такдим килиш. Лекин, биринчи концертим айнан шу Ойбек Нигора ва Божалар билан булгани маъкул деб биламан.
Дустона ёндошяпсизда?
-Дустона.
Санъаткорлар орасида дустлик бор деб уйлайсизми?
-Албатта бор.
Хозирги дустликдан чикиб келган холда айтяпсиз-да?
-Ха хозирги дустликдан келиб чикган холда айтяпман.
Ун йилдан сунг кандай куряпсиз бу дустлигингизни?
-Уни вакт курсатади.
Кинолар хусусида, «Бойвачча» ва «Нортой» филмларидаги ролларингиз хакида, узингизни актрисалик иктидорим бор деб айта оласизми? Узингиз истаган киррангизни чикариб бера олдингизми?
-Озгинча булса хам актрисалик иктидорим бор деб уйлайман. Кушик хам куйлаш кинода хам рол уйнаш орзуим буларди, мана орзуларим ушаляпти секин-секин. Тугри «Бойвачча» филмида жудаям уялдим бу ролни ижро этишга, «Нортой» филмида узимни эркин хис килиб ижро килиб бердим. Купчиликка ёкди бу филм.
Мана Сиз ёш булишингизга карамай мухлислар куз унгида юлдузсиз, машхурсиз, Сизга таклид килишади. Сиз уларга кайсидур жихатдан намунасиз. Нафакат санъат балки усиб келаётган ёшларни савияси ва дунёкараши хам маълум жихатда сизларга боглик. Хозирги ёшларга бу филмлар кизик булгани билан нималарни урганиши керак «Чучвараларингни йигиб сур» сузларидан масалан? Кандай хулоса килиши керак?
-(кулади)
Тугри, кулгуликдир, лекин савия нима буляпти? Сиз шу филмлар иштирокчисиз
-Тугри. Эй Худойим-ей, каердан хам шу филмларда чикган эканман а? (кулади). Бу сузларимни ёзманг.
Имиджингиз устида кимлар ишлайди?
-Асосан узим.
Куриниб турибди ёпиштирилган киприкларингиз хам узингиз имижингизданми?
-Йук, Россияга якинда концертга борган эдик, уша ерда ёпиштиришди, хали олиб ташлаганим йук.
Сочлар хам узгарибди.
-Сочларим асли жингалак, лекин, узим теккислаб юраман, Сизга галати туюлгани сочимни олдини калталатгандим, «челка» колдирганим бошкачарок курсатиб турган булиши мумкин.
Клип ва ракслар буйича.
-Клипларим борасида продюсерим Абдурахмон ока шугулланадилар, ракслар буйича Камилла ва Ширин деган балетмейстерларим бор, улар билан шугулланаман.
Клипларингизда, имидж ва раксларингизда Джанет Джексонга таклид сезилади, кумирингизми?
-Йук. Таклид килмайман.
Сиз билан балетмейстерлар ишлагани билан агар узингизни ичингиздагини намоён кила олмасангиз, уша харакатларни барибир килиб бера олмайсиз-да, кандайдир клиплардан андаза олиш, куриб туриш дегандек?
-Албатта клипларни куриб тураман, Бейонс клиплари ёкади. Дженнифер Лопес. Улардан хам харакатларни урганаман, лекин, таклид килмайман.
Режалар, янгиликлар хусусида.
-Хозир Бахром Ёкубовнинг «Супер келинчак» филмига шу номланишдаги саундтрек куйлаяпман. Шух тарона. Бахром ока менга таклиф килиб сценарий берганларида, куз олдимга келиб илхомландим ва шу кушик яраляпти.
Интернет оламига муносабатингиз.
-Тугриси…кирмайман. Вакт хам йук.
Махалла кизларидан булсангиз керак.
-Болалигимда махалла кизи эдим хозир «дом»да яшайман.
Художуйлигингиз сузларингиздан билиниб турибди.
-Албатта, эрталаб намоз укийман, тугри мана шунака шимлар кийиб юраман, лекин, барибир хам намоз укийман. Доим беш вакт укиш хам кулимдан келмайди ва эрталабгисини укиб тураман.
Нималар ажабалантиради.
-Ажаблантирадиган нарсалар…(уйланиб) Нималар ажаблантиради? Сизни саволларингиз жудаям ажаблантириб ташламокда.
Нималар кувонтиради?
-Узим у-бу кимни кунглини кутарсам
Кандай кутарасиз?
-Кушик билан купинча кутараман, ёки уртокларимни олдига келиб хазил-хузул килиб кунглини кутариб, кулдирсам узим кувонаман.
Нималар газаблантиради?
-Жудаям газабланадиган инсон эмасман тугрисини айтсам, лекин, нимадандур газаблансам хам билдирмасликка харакат киламан.
Зиёданинг юраги…бандми?
-Буш. Албатта мухлислар орасидан булади кизикиш билдирганлар, лекин хали вакт бор.
Гастроллар хакида. Ва ундаги эсда колган кизик вокеалар хакида.
-Факатгина бормаганим Хоразм булди, колган барча вилоятларда концерт дастури билан чикиш килдим. Кизик вокеалар куп булади, эсда коларлилари, Ангрен шахридаги гастролда, фонограммада кушик айтишга мажбур булганман. Кулимдаги микрофон симли булган, ва у узилиб кетган, лекин мени бундан хабарим булмаган ва фонограммада кушик айтиб тураверганман. Одамлар менга караб хайрон булиб тураверишган, лекин кулишмаган, канака куйлаяпти-деб хайратланишган. Шундок карасам сим узилиб ётибди, шунаканги уялиб кизариб кетганман-ки. Уша ерда шартта симни улаб, фонограммани учиртириб, жонли овозда куйлаб берганман, ва шунда ишониб олкишлашган.
M&TVA-2007 йил энг яхши аёл хонандаси унвони сохиби булдингиз. Сизнингча бу адолатдан булдими?
-Мухлислар танлаб шуни хохлашди, смслар оркали. Адолатдан булди деб уйлайман. Купчилик эфирда хам мени номимни айтиб овоз Зиёдага берамиз дейишган, Бобур Бобомурод хам. Хозир «Нихол»га харакат.
Номзодлар орасида санъатда анча йилдан бери фаолият юритиб келаётган аёл хонандалар хам булган. Гарчан санъатингиз шу мукофотга лойик булса-да, купчилик «Хали бу унвонга Зиёда ёшлик киларди, вактли эди» деган фикрлар булган булса ажаб эмас.
-Барибир эътибор беришгани яхши Бу номзодда, Феруза Жуманиёзова, Мовлуда Асалхужаева, Нилуфар Усмоновалар, устоз санъаткорлар бор эди. Менга бу унвонни лойик топишганидан хурсандман. Хар хил миш-мишлар булди. Пул хам берган дейишди. Лекин хакконий булди хаммаси. Мен узим кутмагандим шу унвонни олишимни, ишонганим хам йук, хатто сахнада узимни тутиб туролмадим, йиглаб юбордим.
Узингизда кандай уйлар кечди? Узингизга узингиз мен бунга лойик эдимми? деган саволлар булдими? Умуман шу мукофот билан боглик ички кечинмаларингиз.
-Нима десам буларкин…(уйланиб). Ёмон кийнаркансиз лекин. (кулади). Бошка савол берииинг. (ялиниб)
«Нихол» мукофотига харакатингиз кандай кечмокда?
-Узлигиси таклиф килишди шу «Сайдинг куябер Сайёд» кушиги билан иштирок этишни. Шу кушигим билан иштирок этаман.
Яккахон хоннада сифатида ижод килиш келажакда орзуим бор дедингиз, шунда йуналишингиз узгарадими?
-Йук узгармайди.
Негадур ижод намуналарингизда Сиз узингиз ич-ичингиздан миллийликка талпинаётгандек, лекин лойиха талаби билан ёшларбоп кушик куйлаётгандексиз.
-Тугрисини айтсам жудаям миллийликка хам киришиб кетгим келмайди ва жудаям эстрадага хам. Кушикларимни эшитган булсангиз иккисини хам аралаштириб куйлайман.
Кутган ва кутмаган саволга жавобингиз?
-(Хурсиниб) Вой Худойим-ей (кулади) Узи мазам булмаяпти кечадан бери, эрталабгача «Супер келинчак» кушигини ёздик, ухламаганман. Хаммасини бердингиз, умуман кутилмаганларини. Кутилганларини бериб булишган, яхши киларкансиз, Сизники умуман бошкача экан, тугриси.
Хотима килсангиз
«Акфа» компаниясига уз миннатдорчилигимни билдираман менга якиндан ёрдаб бериб келишаётгани учун. Уз мухлисларимга миннатдорчилигимни билдираман доимо сог булишсин.
Интервьюдан ташкарида, лекин диктофон тасмасига тушган сузлар:
- Лекин хеч кайси саволингизга тугри жавоб бермадим, хаммасига жиннича жавоб бериб ташладим шекил.
Интервью давомида саволлар унга кийин туюлиб огир-огир хурсиниб хам куйди. Шунча санъат ахли вакиллари билан сухбатлашган булсам буниси мен учун умуман кутилмаган ва бу сухбатда ундан хеч хам санъаткорлик салобати сезилмасди.
Тугри, санъатда балки хали ёш..
Лекин, кечагина сахнани биринчи зинасига кадам куйиб улгурмай, тилини бермайдиган, бир эмас нак икки оёги ердан кутарилиб кетган «юлдузчалар»дан сунг, бу киз, ха, ха юлдуз хам эмас, хонанда хам эмас, рупарамда оддийгина кизчадек намоён булган Зиёда мени росманасига ажаблантирди.
Рости, негадур рахмим хам келди.
Саволларимдан шунчалар таъсирланиб узини йукотиб куярдики бир неча бора интервьюни тухтатиш хаёлимга келди хам. Сухбатдан сунг инсонда мехр колдирадиган, камтарлик, соддалик ва бегуборликни асл намоёндаси инсонда кандай булишини намунаси эди бу киз.
Клип, кушик ва сахнадаги Зиёда умуман бошка экан.
Балки мени алдашгандир?
Кизик нахотки унинг киёфадоши булса?
Билмасам…
Мана шу хаёллар билан «Акфа медиа» биносини тарк этдим.
Нима булганда хам худди шундай колишинг тилакдошиман Зиёда.
